Sebuah Naskah Drama :

Tokoh Pemeran:

Joko Kasep       : pemuda berumur ¼ abad yang belum menikah.

Nyai Gayatri    : Ibu Joko Kasep yang sudah menjanda sejak Joko Kasep masih remaja.

Sri Dewi           : gadis pujaan Joko Kasep.

Bambang         : sahabat Joko Kasep dan makelar jodoh sing paling top-markotop

Sastro Kiyer     : Bapak Sri Dewi

== Babak I ==

Setting:

Teras rumah dengan sebuah kursi panjang.

Narasi:

Pada suatu saat di sebuah desa hiduplah seorang pemuda bernama Joko Kasep. Joko Kasep tinggal dengan ibunya yang bernama Nyai Gayatri. Joko Kasep sudah berumur ¼ abad akan tetapi belum menikah, bukan karena tidak mau melainkan karena tidak laku.

(Terdengar seseorang memutar lagu “Cari Jodoh”-nya Wali Band dengan keras dan terdengar oleh Joko Kasep yang sedang duduk santai di teras rumahnya)

Joko Kasep       : “Sore-sore penake yo lheyeh-lheyeh ngene iki.., sik… sik… sik… kae kok ono sing nyetel lagune Wali Band—Cari Jodoh, wah mesti ki si Bambang, oo bocah gemblung.”

(Joo Kasep marah dan berteriak menyuruh Bambang mematikan tape-nya, yang diteriaki hanya menimpali dari kejauhan [dari luar panggung])

Joko Kasep       : “Oi… Mbang… Bambang… !”

Bambang         : “Ngopo Jok? Ha ngopo? Kok bengok-bengok koyo wong edan ngono?”

Joko Kasep       : “Ooooo… yo le’……… titenono…. Ngece aku kowe!”

Bambang         : “Ngece piye tho? Ngomong kok ra cetho!”

Joko Kasep       : “Lagu sing mbok setel kuwi lho!!! Jan kowe ki nyat nggatheli tenan ok, mentang-mentang, aku durung rabi, ra payu, trus kowe nyetel lagu kuwi kenceng-kenceng….! Ngajak rame pho?”

Bambang         : “Oooo… sory Jok, yo-yo… tak patenane saiki, hehe.”

(Bambang pun mematikan tape-nya)

Joko Kasep       : “Lha ngono lho… wong kok ra prihatin karo kahanane kancane…! Wah Bambang ki nyat ngrusak suasana tenan ok, jane aku wis lali ra kepikiran bab rabi lho…. Ckckckck… dadi kepikiran maneh saiki.”

(Joko Kasep pun memanggil ibunya, dan yang dipanggil pun datang menghampiri)

Joko Kasep       : “Wah mathuke aku ndang nembung rabi karo simbok ki, ndak selak dadi joko kasep. Mbok…. Mboke…..!”

Nyai Gayatri    : “Yo…. Ono opo le? Kok sajake penting?”

Joko Kasep       : “Lungguh sik Mbok, aku arep ngomong, penting iki.”

(Kemudian terdengar lagu “Mendem Wedokan” Joko Kasep dan Ibunya kemudian bernyanyi secara lipsing)

Joko Kasep       : “Mbokeeeeeeeeeeeeeeeeee…. Aku njalukkkkkkkkkk… dikaaawinke………..!”

Nyai Gayatri    : “Kaaro sopo tho leeeeeeeeeeeee…?”

Joko Kasep       : “Sing penting ono nyaawaneee…”

Joko Kasep       : “Simbok-simbok… wetengku luwih… Ono ketan… aku tukokno… simbok-simbok aku wis gede… ono perawan coba takokno…!”

Nyai Gayatri    : “Thole-thole ketaaane abang… dicampuriii klopo parutan… thole-thole rabine gampang… paling penting golek gaweyan…!”

Joko Kasep       : “Aduh simbok… penting kawinan… aku iki wis mendem wedokaaan… aduh simbok ra iso turuuu… awan bengi pengen-pengen-pengen ketemu..”

Nyai Gayatri    : “Ora gampang wong bebojoan… kudu bisa golek sandang pangan,, yen mung nuruti mendemmu… opo bojo mbok pakani watu…!”

(Lagu selesai dinyanyikan kemudian keduanya berbicara dengan normal lagi)

Nyai Gayatri    : “Piye le? Sih pengen rabi?”

Joko Kasep       : “Lha iyo to mbok…”

Nyai Gayatri    : “Yowis nek pengen rabi nang gone Lek Yatmo kono!”

Joko Kasep       : “Nang gone Lek Yatmo piye tho? Wong Lek Yatmo ki dudu Pak RT, anake ki Miftah karo Ndoni–ra nduwe anak perawan kok aku dikon mrono ki maksudmu opo tho mbok?”

Nyai Gayatri    : “Wis pokoke kowe mrono-o… Lek Yatmo kan nduwe wedus akeh tho… miliho salah siji trus jaken rabi!”

Joko Kasep       : “Opo???? Sik… sik… sik… (Joko Kasep meletakkan telapak tangannya di dahi ibunya) jane yo ra panas tapi kok ngomonge koyo wong edan, karepmu piye tho mbok? Mosok kon rabi karo wedus, gendheng po?”

Nyai Gayatri    : “Lha jaremu mau… tak takoki arep rabi karo sopo, njawabmu piye mau?”

Joko Kasep       : “Sing penting ono nyawane.”

Nyai Gayatri    : “Lha yowis wedhus kan yo nduwe nyowo tho?…. Hahaha.”

Joko Kasep       : “Ah simbok ki, dijak rembukan tenanan kok malah guyon!”

Nyai Gayatri    : “Ora le.. saiki ngene… tak takok. Kowe ki anake wong sugih dudu?”

Joko Kasep       : “Dudu mbok.”

Nyai Gayatri    : “Kowe nduwe lemah pirang hektar?”

Joko Kasep       : “Mung seprapat nek lorokan kae.”

Nyai Gayatri    : “Trus kowe wis nyambut gawe?”

Joko Kasep       : “Durung mbok.”

Nyai Gayatri    : “Trus sing arep gelem rabi karo kowe ki yo sopo tho le-le…., tak kandani yo le… ndango yambut gawe nduwe hasil, mengko arep rabi karo sopo tak turuti…!”

Joko Kasep       : “Dadi aku kudu nyambut gawe sik ki…?”

Nyai Gayatri    : “Ya iya-lah, masak ya iya-dong…. Belajar saja di seko-lah bukan di seko-dong!”

Joko Kasep       : “Tapi tenan lho mbok, mengko nek aku wis nduwe gaweyan, aku dirabikke lho mbok?”

Nyai Gayatri    : “Yo… ho’o.”

Narasi:

Atas perintah sang ibu, Joko Kasep pun mencari kerja sebagai modal untuk melamar gadis. Pekerjaan apakah yang diperoleh oleh Joko Kasep dan siapa gadis yang akan dipersunting oleh Joko Kasep, kita saksikan setelah yang lewat berikut ini.

== Babak II ==

Setting:

Sebuah perempatan jalan besar.

Narasi:

Setelah mendapat pekerjaan sesuai perintah ibunya, Joko Kasep mulai mencari gadis untuk dijadikan pendamping hidup. Dalam proses pencarian gadis itu Joko Kasep meminta bantuan dari sahabatnya yang bernama Bambang Gemblung yang sehari-hari tidak hanya berprofesi sebagi makelar sapi tetapi juga makelar jodoh.

Joko Kasep       : “Saiki wis nduwe gayan, berarti ki wektune golek cewek trus kon nembungke simbok, mak nyuss tenan…, waduh, tapi sopo yo??? Ooo yo, njaluk tulung Bambang ae, makelar gadis sing paling top nek ndeso kene. Telpon sik aahhh… jaman saiki ki jamane telpon karo sms, … jane omahe yo mung ngarep kono.”

(Joko Kasep menelpon Bambang, sahabat sekaligus makelar gadis yang paling hebat di kampungnya)

Joko Kasep       : (memencet nomor Bambang)

(Sesaat setelah memencet nomor Bambang terdengar suara dari handphone: “Mohon maaf pulsa anda tidak mencukupi untuk melakukan panggilan ini, segera isi ulang pulsa anda…[suara diberikan oleh narator dari luar panggung]”)

Joko Kasep       : Alah iyo, pulsaku entek tibake… nduwene pulsa sms thok.. hehe.. ngisin-ngisini wae. Wah mathuke utang disik karo juragane pulsa RT.04: Bung Andi Kustowo. Hahaha… siiiippp… siiippp.

(Joko Kasep kemudian mengirim sms kepada juragan pulsa Andi Kustowo untuk meminta boon pulsa. Setelah menerima transfer pulsa, Joko Kasep kembali menelpon Bambang Gemblung)

Joko Kasep       : “Mbang… Bambang… ki aku Joko. Kowe nek ngendi saiki? (diam sesaat—menunggu jawaban dari Bambang) Aku nek prapatan Kalioso ki… mreneo ndang! Piye? Lagi sibuk? Halah gayamu! Ndang mreneo! Wis to mengko tak jajakne mia ayam nggone Thuil! Ndang lho! Tak enteni.”

(Sesaat kemudian Bambang datang menemui Joko Kasep)

Bambang         : “Ono opo jane? Ngganggu kesenengane wong wae!”

Joko Kasep       : “Loh kok cepetmen kowe teko?”

Bambang         : “Ben ndang rampung acarane, mbah Mu’anam selak ngantuk kae lho. Ono opo, heh?”

Joko Kasep       : “Ngene Mbang…. Aku kan saiki wis nyambut gawe ki, lumrahe kan wong sing wis umur koyo aku kan nek wis nduwe gaweyan kan yo banjur rabi.”

Bambang             : “Rabi yo rabi no, nopo rung nduwe calon mesti?”

Joko Kasep         : “Ah ngerti wae kowe ki. Lha piye kowe nduwe pandangan pora? Koncomu opo sopo sing patut karo aku?”

Bambang             : “Lha kriteriane piye, jlentrehno kowe kepengen sing koyo ngopo?”

Joko Kasep       : “Yo nek iso sing ayu, semleho, anake wong sugih, nek iso yo PNS-lah, guru-guru yo ra popo, trus wonge sing apikan, piye ono ora?”

Bambang         : “Wah le… le… ngoco to le… le…! Njaluk kok yo duwurmen, wis ayu, anake wong sugih, PNS sisan?”

Joko Kasep       : “Loh piye tho? Jare kon njlentrehke?”

Bambang         : “Yo bener, tapi mbok yo kowe ki ngoco kowe ki sopo? Nggolek bojo ki yo sak pantese, sing sebanding, sak pantaran statuse. Wong kok koyo mung gaco sing nyucukne sing tetak thok!”

Joko Kasep       : “Lha trus sing koyo ngopo sing pantes karo aku?”

Bambang         : “Wis ngene ae, nek nyawang kahananmu, tak golekne sing kiro-kiro dijak njagong ki yo pathut disawang ngono piye?”

Joko Kasep       : “Sing pathut dijak njagong? Wah kowe ki trus ngono?”

Bambang         : “Loh jenenge makelar ki yo ra gaco njodohke, bibit-bebet-bobot ki yo tak pertimbangke, nek bar tak pethukke trus salah siji kuciwo kan yo ra penak aku. Piye?”

Joko Kasep       : “Yo wis sak karepmu… tapi sing pathut tenan lho, jo mung pathut-pathutan!”

Bambang         : “Halah iyo-iyo… percoyo to karo aku! Saiki ayo nang gone Thuil, jare mau arep njajakne aku?”

Joko Kasep       : “Loh hurung-hurung kok mangan, kapan lekmu arep nggolekne?”

Bambang         : “Yo sik to… wetenge diisi disik, mbek tak pikire disik, tak interane sing cocok karo kowe ki sopo. Ojo kesusu ngono lho! Tur utekku ra patek lancer dinggo mikir nek wetengku luwih. Ayo mangan sik! Ra sido tak golekne lho!”

Joko Kasep       : “Yo wis ayo, tapi mie ayam thok yo ra nganggo bakso? Gajianku sik suk setu ki.”

Bambang         : “Emm… koyo ngono kon nggolekke sing ayu, PNS tur anake wong sugih! Tapi rapopo, gandheng konco kuenthel yo wis lah. Ayo ndang mlaku selak kentekan!”

Narasi:

Akhirnya Bambang pun menyanggupi untuk mencarikan Joko Kasep seorang gadis sebagai calon istri. Seperti apakah gadis yang akan dipertemukan oleh Bambang dengan Joko Kasep? Kita saksikan kelanjutan ceritanya setelah yang lewat berikut ini.

== Babak III ==

Setting:

Teras depan rumah.

Narasi:

Bambang menepati janjinya untuk mencarikan jodoh bagi Joko Kasep. Setelah menemukan gadis yang cocok, diaturlah sebuah pertemuan untuk mempertemukan keduanya.

Joko Kasep       : “Endi kok ra njedul-njedul. Tenanan pora wis mbok jak ketemuan saiki?”

Bambang         : “Sabar tho! Jenenge wong wedok ki arep lungo yo nganggo dandan disik, bengesan, pupuran. Sedilit ngkas lak yo teko.”

Joko Kasep       : “Mengko gek lali bocahe. Mbuk ditelpun-telpun ngono!”

Bambang         : “Kowe kok ketokmen kemecer ngono tho? Yoh tak telpune.”

(Bambang pun menelpon gadis yang akan dipertemukan dengan Joko Kasep)

Bambang         : “Halo?  (diam sesaat) ha? Alaah… Agus.. Agus…!”

Joko Kasep       : “Heh Mbang… tenanan tho!”

Bambang         : “Hehe.. sik durung diangkat kok. Halo? Sampeyan nek ngendi? Ha? Isih nek ndalan? Ooo yowis, tak enteni, ati-ati dalane rame!”

Joko Kasep       : “Piye?”

Bambang         : “Isih nek ndalan, sedilit ngkas teko.”

Joko Kasep       : “Mbek ngenteni, mbok aku dicritani wonge koyo ngopo? Ayu pora?”

Bambang         : “Yo sing genah ki nek dijak njagong ki patut lah. Jane nek tak bandingke karo rupamu yo isih keduwuren, tapi rapopolah ben kowe seneng.”

Joko Kasep       : “Sak jane wong ngendi tho?”

Bambang         : “Halah cedhak, jane arep tak golek sing rodok adoh, ning aku mesakne mbokmu, ngiring ngantene ndak ngentekne ragat mengko.”

Joko Kasep       : “Cedhak? Cedak ngendi?”

Bambang         : “Kono cah lor kali kono?”

Joko Kasep       : “Hah cah lor kali? Wah kowe ki maiko aku, kok yo trus wong lor kali lho!”

Bambang         : “Lha trus nopo nek wong lor kali? Ra sah kemaki kowe, wong lor kali ki yo ono sing bening ora bruwet kabeh.”

Joko Kasep       : “Oo yo tho? Yo wis nek ngono.”

(Gadis yang sedang dibicarakan oleh keduanya memasuki panggung)

Bambang         : “Gelo bocahe wis teko.”

Joko Kasep       : “Eh….” (kaget dan salah tingkah).

Sri Dewi           : “Sory, telat.”

Bambang         : “Ora popo, santé wae. Ki kenalke kancaku Bambang.”

Sri Dewi           : “Ooh iki to wonge… Halo, kulo Sri.” (sambil menjulurkan tangan untuk bersalaman)

Joko Kasep       : “Eh… kulo Joko.” (menjulurkan tangan menjabat tangan Sri Dewi)

(keduanya bersalaman cukup lama sambil berpandang-pandangan)

Bambang         : “Heh, sing salaman rasah suwe-suwe. Durung-durung kok wis…” (sambil memukul pundak Joko Kasep. Joko Kasep pun kemudian melepaskan genggaman tangannya)

Joko Kasep       : “Eh iyo….” (mencium tangan kanannya dan berbisik kepada Bambang) “Wangi je…”

Bambang         : “Halah! Wis yo tak tinggal disik, sik yo Sri.”

Joko Kasep       : “Loh, arep nyandi Mbang? Mosok aku mbok tinggal dewe?”

Bambang         : “Sik tak nang gone Lek Tarmuji, arep takok sapine sido didol pora. Tinggal dewe piye tho? Nah wong loro karo Sri no. Ngopo ra wani? Cah Gerang ngono ae kok ra wani, wis rasah clingus! Kono jagongan wong loro! Sik yo!” (Bambang pun meninggalkan panggung)

Joko Kasep       : “Eh Mbang… Bambang… who lha…?! Eh… monggo mbak lenggah mriki mengkeh kesel lho nek jumeneng terus?”

Sri Dewi           : “Ooo injih, matur suwun.”

Joko Kasep       : “Pripun kabare mbak?”

Sri Dewi           : “Ehmmm… sae… Mbok ngundange ojo mbak tho! Ndak aku ketok tuwo!”

Joko Kasep       : “Heh.. lha piye?”

Sri Dewi           : “Yo terserah sampeyan, ning ojo mbak!”

Joko Kasep       : “Lha piye, Dik opo Nduk? Opo Adinda?”

Sri Dewi           : “Yo patute pripun mriku!”

Joko Kasep       : “Dik ae yo?

Sri Dewi           : “Loh gak Adinda wae?”

Joko Kasep       : “Ha Adinda? Ojo adinda! Dik wae! Mengko nek ngundange Adinda ndak diguyu mas Ngazis, mosok omahe lor kali ae diceluk Adinda.”

Sri Dewi           : “Wah sampeyan niku agek kenal kok wis ngece? Nggih mpun kulo mathuk mawon. Trus kulo ngundang sampeyan pripun, Mas opo Kakang opo A’a?”

Joko Kasep       : “Mas wae, nek diceluk Kakang ndak koyo ketoprak ae.”

Sri Dewi           : “Nggih mpun Mas, beneran wonten lagune.”

Joko Kasep       : “Ono lagune piye tho?”

Sri Dewi           : “Lha niko…. Mas Joko tak uk-uk!”

Joko Kasep       : “Ah Dik Sri iso wae… Eh Dik Sri mbiyen SMA-ne ngendi?”

Sri Dewi           : “SMA-ku? Cedak kok Mas.”

Joko Kasep       : “Cedak ngendi?”

Sri Dewi           : “Kono nek Kalioso, SMK Bhakti.”

Joko Kasep       : “Tenane Dik?”

Sri Dewi           : “Tenan ki, ngopo tho Mas?”

Joko Kasep       : “Wah nek Sri sekolahe nek kono yo berarti tonggo no?”

Sri Dewi           : “Tonggo piye tho? Lha Mas Joko mbiyen SMA-ne ngendi?”

Joko Kasep       : “Nek kidulmu, STM kali apit.”

Sri Dewi           : “Ah tenane Mas, kok aku ra tau weruh sampeyan yo Mas?”

Joko Kasep       : “Ooo lumrah ae nek Dik Sri ra tau weruh aku, aku kan mbiyen termasuk cah alim. Jenenge cah alim kan yo ra patek ketok. Sing ketok kan sing ndugal-ndugal kae.”

Sri Dewi           : “Ooo dadi mbiyen Mas Joko cah alim ki?”

Joko Kasep       : “Lha genah tho, aku ra tau no nongkrong nek warung soto ngarepan kae. Nek sekolahe bubar yo aku langsung mulih.”

Sri Dewi           : “Ah Mas Joko ki nek ngelem awake dewe kok pintermen. Lha opo ra pengen lungguh-lungguh nyawangi wong liwat?”

Joko Kasep       : “Ora kok ra pengen? Ora nduwe duit, sing genah! Kan yo ra patut nongkrong nek ra disambi jajan.”

Sri Dewi           : “Ah Mas Joko ki iso-iso wae. Trus sakniki nyambut gawe opo Mas?”

Joko Kasep       : “Wah jane aku yo pengen nang Jakarta koyo tonggo-tonggoku kae, tapi aku ra tegel arep ninggal mbokku dewe, dadi saiki yo mung glidik sak nggon-nggon aku.”

Sri Dewi           : “Glidik opo Mas?”

Joko Kasep       : “Emmmmm… ngangkat ember.”

Sri Dewi           : “Oooooo…”

Joko Kasep       : “Ngopo Dik, ra seneng?”

Sri Dewi           : “Yo ora to Mas, nyambut gawe opo wae kanggoku podo wae sing penting ki halal, ra neko-neko.”

Joko Kasep       : “Tenane Dik?”

Sri Dewi           : “Yo tenan to yo Mas.”

Joko Kasep       : “Wah nek ngono Bambang ra salah ki nggolekke wong.”

Sri Dewi           : “Opo Mas?”

Joko Kasep       : “Ora, dudu opo-opo. Trus saiki Dik Sri nyambut gawe opo nek ngomah ae?”

Sri Dewi           : “Nyambut gawe Mas.”

Joko Kasep       : “Nek Ngendhi?”

Sri Dewi           : “Nunggu toko nek Nusukan.”

Joko Kasep       : “ooo, wis suwe Dik?”

Sri Dewi           : “Yo setahun punjul Mas. Eh Mas, wis surup ki, tak bali sik yo.”

Joko Kasep       : “Bali saiki?”

Sri Dewi           : “Ho’o, mengko disawang wong gak patut wis surup kok yo.”

Joko Kasep       : “Ooo yo, ning kapan-kapan tak jak mlaku-mlaku gelem yo Dik?”

Sri Dewi           : “Yo gampang Mas.”

Joko Kasep       : “Saiki baline tak terke yo?”

Sri Dewi           : “Lha Mas Joko sing ngeterke piye? Wong aku nggowo motor dewe kok.”

Joko Kasep       : “Yo tak tutke soko mburi, mengko ndak enek opo-opo.”

Sri Dewi           : “Wah Mas Joko ki kok perhatianmen. Nggih mpun monggo…”

Narasi:

Joko Kasep pun mengantarkan Sri Dewi pulang dengan membuntuti dari belakang sampai dekat rumah Sri Dewi.

== Babak IV ==

Setting:

Kamar tamu di rumah Joko Kasep

Narasi:

Setelah menjalani masa berpacaran selama 3 bulan, Joko Kasep memberanikan diri untuk meminta Sri Dewi agar berkenan dijadikan istri. Setelah Sri Dewi mengiyakan permintaannya  Joko Kasep pun meminta Ibunya untuk melamar Sri Dewi.

Joko Kasep       : “Mbok….“

NYai Gayatri    : “Ngopo le?”

Joko Kasep       : “Jare mbiyen nek aku wis nduwe gayan, simbok gelem ngrabikke aku. Saiki kan aku wis nduwe gayan. Ndang ditembungke ndang!”

Nyai Gayatri    : “Tembungke sopo? Sri Dewi kae?”

Joko Kasep       : “Lha iyo no, sopo maneh nek ra Sri Dewi.”

Nyai Gayatri    : “Lha opo deweke ki wis temenan gelem karo awakmu.”

Joko Kasep       : “Yo uwis to yo, wis tak takokne kok.”

Nyai Gayatri    : “Wis ngerti nek kowe ki mung tukang angkat ember.”

Joko Kasep       : “Wis mbok, wis tak ceritakke kahananku ki koyo ngopo.”

(Keduanya sedang berbincang-bincang datang Sri Dewi datang bertandang ke rumah Joko Kasep)

Sri Dewi           : “Assalaamu’alaikum…. Kulonuwun…”

Nyai Gayatri    : “Wa’alaikum salaam.. Monggo…, walah Sri to… mlebu Nduk, panjang umur kowe agek diomongke kok ndelalah njedul”

Sri Dewi           : “Ah… simbok, pripun kabare? Sae mbok?”

Nyai Gayatri    : “Apik Sri, kowe piye? Wong ngomah lak yo do sehat kabeh tho?”

Sri Dewi           : “Kulo nggih sae, tiyang nggriyo nggih sehat sedanten.”

Nyai Gayatri    : “Yo wis, sik yo tak nang mburi, tak gekne wedang anget sik.”

Sri Dewi           : “Alah mpun rasah repot-repot mbok… kulo mpun bar ngombe kok.”

Nyai Gayatri    : “Ora repot kok nduk, sik yo, kono jagongan karo Joko disik kono.”

Joko Kasep       : “Kok ketok ayu-men, ko ngendi e Dik Sri?”

Sri Dewi           : “Ayu? Alah Mas Joko ki nek kon ngrayu kok pinter-men? Bar njagong ko Nogosari trus mampir mriki Mas.”

Joko Kasep       : “Ora kok ngrayu, pancen tenan kok. Aku nek nyawang Dik Sri iku dadi pengen moco puisi. Pengen krungu ora?”

Sri Dewi           : “Puisi? Ah Mas Joko ki sok romantis!”

Joko Kasep       : “Loh ora kok sok, memang pancen romantis aku iki. Piye iki kesempatan terakhir, pengen krungu ora?”

Sri Dewi           : “Ho’o pengen, ndang diwacakne tho selak simbok bali mrene!”

Joko Kasep       : “Dirungokne tenanan yo, bar ngrungokne iki lak Dik Sri bengi mengko dadi ra bisa turu. Ehm… Ehi…. : Duh Dik Sri, raut wajahmu cemerlang selalu membayang, hidungmu indah dan mancung bikin aku bingung, gigi bak biji mentimun membuatku suka melamun…

Sri Dewi           : “Wah Mas Joko, aku jadi malu…”

(Saat keduanya sedang bersenda-gurau, masuklah Nyai Gayatri membawakan minuman bagi Sri Dewi)

Nyai Gayatri    : “Ehm…”

Sri Dewi           : “Eh simbok…”

Nyai Gayatri    : “Iki nduk, wedange…”

Sri Dewi           : “Matur suwun mbok..”

Nyai Gayatri    : “Nduk mumpung pethuk aku tak takon yo.”

Sri Dewi           : “Nggih, badhe tanglet punopo?”

Nyai Gayatri    : “Ora, kowe karo Joko kan wis hubungan lumayan suwe ki, mbok pengen ngerti sakjane Nduk Sri ki serius ora karo Joko?”

Sri Dewi           : “Serius mboten? Maksud simbok?”

Nyai Gayatri    : “Jane iki wis ditakokne Joko, tapi simbok pengen krungu langsung soko kowe nduk. Jenenge wong hubungan ki nek iso yo ra mung dolanan. Nek iso ki yo diteruske nang bebojoan.”

Sri Dewi           : “Ooo, dados simbok pengen ngertos kulo niki pengen mboten dados garwane Mas Joko?”

Nyai Gayatri    : “Nah iku sing pengen tak takokne. Lha piye? Jare Joko Nduk Sri gelem.”

Sri Dewi           : “Nggih pancen leres punapa engkang diaturke Mas Joko. Temene Mas Joko purun kulo dados garwane, nggih kulo purun mawon.”

Nyai Gayatri    : “Tenanan nduk?”

Sri Dewi           : “Nggih temenan to Simbok.”

Nyai Gayatri    : “Wis mbok pertimbangke tenanan?”

Sri Dewi           : “Sampun Simbok.”

Nyai Gayatri    : “Ning kowe lhak yo ngerti dewe to, Joko ki dudu anake wong sugih, wis ra nduwe pak, nyambut gawene yo mung ngangkat ember, nduwene omah yo mung koyo ngene iki kahanane.”

Sri Dewi           : “Nggih simbok, kulo sampun mangertos lan nyadari. Kagem kulo nopo gaweyane niku sing penting nggih halal. Kagem kulo sing penting Mas Joko niku tresno lan asih kaleh kulo.”

Joko Kasep       : “Yo to? Simbok iku dikandani kok ngeyel. Aku ki ra salah milih wong.”

Nyai Gayatri    : “Yo le… saiki simbok ngandel opo sing mbok kandakke. Wedange diunjuk Nduk Sri, mengko adem lho.”

Sri Dewi           : “Nggh simbok… Wah niki mpun peteng kulo tak pamit riyin nggih.”

Nyai Gayatri    : “Kok kesusu-men tho nduk.”

Sri Dewi           : “Wong niki mau mung mampir bibar njagong tenggene rencang saking Nogosari mriku.”

Joko Kasep       : “Bali saiki dik?”

Sri Dewi           : “Ho’o mas, selak dienteni Bapak.”

Joko Kasep       : “O, yo, sik sedilit.. (Joko Kasep ke belakang mengambil sebuah bungkusan), iki aku nduwe hadiah kanggo Dik Sri.”

Sri Dewi           : “Wah opo iki Mas?”

Joko Kasep       : “Yo mengko dibukak nek ngomah lhak ngerti.”

Sri Dewi           : “Matur suwun nggih Mas. Mpun kulo pamit riyin….”

Nyai Gayatri    : “Yo, ati-ati yo nduk, sore-sore dalane rame.”

Sri Dewi           : “Injih, Assalaamu’alaikum.”

Nyai Gayatri dan Joko Kasep  : “Wa’alaikum salam..”

(Sesaat setelah Sri Dewi hilang dari pandangan)

Nyai Gayatri    : “Kowe mau ngeki opo to Jok?”

Joko Kasep       : “Sing tak kekne Sri mau tho?”

Nyai Gayatri    : “Ho’o, opo mau?”

Joko Kasep       : “Kotang.”

Nyai Gayatri    : “Hah, opo? Kotang?”

Joko Kasep       : “Ho’o kotang!”

Nyai Gayatri    : “Wah kowe ki yo ngawur, ngeki hadiah kok yo kotang.”

Joko Kasep       : “Lha sing murah kuwi e Mbok.”

Nyai Gayatri    : “Kok sing paling murah? Sing mu tuku nek ngendi tho?”

Joko Kasep       : “Nek Luwes pas obralan.”

Nyai Gayatri    : “Piro regane.”

Joko Kasep       : “Mung nem ewu, murah to?”

Nyai Gayatri    : “Woo cah gemblung!”

Joko Kasep       : “Piye mbok, wis krungu dewe tho nek Sri kuwi gelem karo aku. Ndang ditembungne ndang!”

Nyai Gayatri    : “Yo ora segampang kuwi to le..”

Joko Kasep       : “Loh piye tho? Bingung aku.”

Nyai Gayatri    : “Pancen Sri kuwi gelem karo kowe, ning opo Bapake Sri kuwi yo ngwenehi restu?”

Joko Kasep       : “Kok tekan bapake barang tho?”

Nyai Gayatri    : “Lha iyo no, nek bapake ra ngrestuni meski Sri-ne gelem opo yo iso kowe ngrabi Sri? Opo arep mbok playokke bocahe nek wong tuwone ra grestuni?”

Joko Kasep       : “Lha trus piye?”

Nyai Gayatri    : “Saiki ngene yo le… nembung cah wedok ki gampang. Sing penting sing ditembung, yo bocahe yo wong tuwone, ki wis gelem. Saiki bayangno, bocahe memang wis gelem, trus aku karo pakdhemu mrono nembungke kanggo kowe, lha ndelalah bapake Sri ora setuju, opo ora kisinan mbokmu karo Pakdhemu?”

Joko Kasep       : “Wah iyo yo… trus piye mbok?”

Nyai Gayatri    : “Trus piye? Trus piye? Yo kowe kapan-kapan dolan nag gone Sri, methuki Bapake Sri, rasan karo Bapake Sri, kiro-kiro entuk pora kowe ki ngrabi Sri. Nek pancene positif entuk yo bar kuwi simbok agek ngakon Pakdhemu kon nembungke Sri kanggo kowe.”

Joko Kasep       : “Berarti aku kudu rasan karo Bapake Sri disik k?”

Nyai Gayatri    : “Lha iyo to yo.”

Joko Kasep       : “Yow is mbok sesuk po sesuke tak dolan mrono.”

Narasi:

Setelah mendengar petuah dari Nyai Gayatri, baru Joko Kasep menyadari bahwa proses pernikahan tidaklah sesederhana yang dia kira selama ini. Bagaimanakah kelanjutan cerita ini? Apakah Sastro Kiyer sebagai bapak Sri Dewi member restu kepada Joko Kasep untuk menikahi Sri Dewi? Kita saksikan bersama-sama setelah yang lewat berikut ini.

== Babak V ==

Setting:

Kamar tamu di rumah Sri Dewi

Narasi:

Demi menjalankan niatnya untuk memperistri Sri Dewi, Joko Kasep pun mendatangi Bapak Sri Dewi, Sastro Kiyer, untuk meminta restu.

(Sri Dewi dan Bapaknya, Sastro Kiyer, sedang berada di ruang tamu rumahnya)

Joko Kasep       : “Assalaamu’alaiku… kulonuwun…?”

Sri Dewi           : “Wa’alaikum salam… Mas Joko… monggo mas..”

Sastro Kiyer     : “Sopo nduk?”

Sri Dewi           : “Niki Mas Joko sing sampun kulo ceritakke kaleh njenengan.”

Joko Kasep       : “Sugeng Pak Sastro…”

Sastro Kiyer     : “Oooo… dadi kowe to sing jenenge Joko?”

Joko Kasep       : “Nggih kulo.. lha pripun tho?”

Sastro Kiyer     : “Ngadeko sik le! (Joko Kasep pun berdiri dan Sastro Kiyer memandang Joko Kasep dari ujung kepala sampai ujung kaki) Yo wis linggiho!”

Joko Kasep       : “Niki wonten pisang kagem Bapak.”

Sastro Kiyer     : “Paling gedang kecut..”

Sri Dewi           : “Bapak ki kok ngendikan ngaten niku tho?”

Sastro Kiyer     : “Omahmu ngendi le?”

Joko Kasep       : “Pilang – dukuhan Pak.”

Sastro Kiyer     : “Bapakmu jenenge sopo?”

Joko Kasep       : “Bapak kulo sampun sedo Pak Sastro.”

Sastro Kiyer     : “Bapakmu dadi opo mbiyen?”

Joko Kasep       : “Dados nopo pripun maksud njenegan?”

Sastro Kiyer     : “Yo gaweyane bapakmu, lurah opo carik, opo bayan?”

Joko Kasep       : “Oh, bapak kulo naming tani kok pak.”

Sastro Kiyer     : “Oo nduwe sawah pirang hektar?”

Joko Kasep       : “Ah, namung seprapat pathok niku…”

Sastro Kiyer     : “Oooo… trus kowe nyambut gawe opo le?”

Joko Kasep       : “Kulo?”

Sastro Kiyer     : “Ho’o awakmu.”

Joko Kasep       : “Kulo nyambut damel wonten bank Pak Sastro.”

Sastro Kiyer     : “Wah bank? Apikmen? Bank ngendi? BNI? BRI? BCA? BPD? Opo Mandiri?”

Joko Kasep       : “Wah sanes pak.”

Sastro Kiyer     : “Lha trus bank ngendi?”

Joko Kasep       : “Anu, kulo tumut Lek Nasri.”

Sastro Kiyer     : “Melu Lek Nasri? Lek Nasri mandor kae?”

Joko Kasep       : “Inggih leres.”

Sastro Kiyer     : “Jare kerjo nek bank kok melu Lek Nasri piye tho?”

Joko Kasep       : “Lha niku kan nggih bank… bangunan, maksud kulo.”

Sastro Kiyer     : “Woo.. cah gemblung tekoki wong tuwo malah ngajak guyon. Trus saiki arep ngopo kowe mrene le?”

Joko Kasep       : “Ngaten Pak Sastro… kulo kaleh Dik Sri kan mpun kenal sak wetawis wekdal.. lha kulo mriki niku bade tangled kaleh panjenengan, menawi angsal kulo bade ngajak Dik Sri omah-omah kaleh kulo?”

Sastro Kiyer     : “Ngajak omah-omah? Arep mbok pek bojo karepmu?”

Joko Kasep       : “Injih Pak Sastro.”

Sastro Kiyer     : “Wah abot le…”

Joko Kasep       : “Abot pripun tho pak?”

Sastro Kiyer     : “Yo nek ndelok kahananmu abot aku arep ngeki restu…”

Sri Dewi           : “Bapak…. Bapak kok ngendikane ngaten niku tho?”

Sastro Kiyer     : “Hus… iki rembukane wong lanang, ora sah melu-melu.”

Joko Kasep       : “Dados kulo mboten kepareng nyanding kalih Dik Sri amergo kulo tiyang melarat?”

Sastro Kiyer     : “Yo sak karepmu sing arep nafsirke kepiye.”

Joko Kasep       : “Nek kulo tiyang sugih njenengan ngeparengake?”

Sastro Kiyer     : “Alah le…le… kapan anggonmu sugih?”

Joko Kasep       : “Nggih sampun menawi ngaten niku pandangan panjenengan kulo pamit riyin… Assalaamu’alaiku ..”

Sri Dewi           : “Mas Joko… Mas…, ah bapak ki..” (berusaha mengejar Joko Kasep yang telah pergi meninggalkan rumahnya)

Sastro Kiyer     : “Sri… arep nyandi, rasah diburu! Mreneo tak kandani!”

Sri Dewi           : “Bapak ki kok tego temen tho ngendikan ngaten niku?”

Sastro Kiyer     : “Ora kok ngono, jenenge wong tuwo ki nek ngendi-ngendi pengen sing paling apik dinggo anake.”

Sri Dewi           : “Dados sakniki niku Mas Joko awon kangge kulo?”

Sastro Kiyer     : “Lha iyo, tak kandani yo nduk saiki ki jaman susah. Wong omah-omah ki butuhe akeh. Butuh sandang, papan, pangan, during nek ono sing loro butuh nang dokter, butuhe soyo akeh meneh nek wis nduwe anak, dingo nukokne susu anake, nyekolahke anak, lan sak piturute.”

Sri Dewi           : “Bapak ki kok sing dipikir mung bab materi thok!”

Sastro Kiyer     : “Ora kok ngono, iki jenenge realistis. Jenenge wong tuwo ki pengen nyawang anake urip berkecukupan, urip mandiri, pengen putune isoh sekolah nek nggon sing apik, ora kok wis rabi neng isih ngathung karo wong tuwo.”

Sri Dewi           : “Dados bapak mboten ngrestuni kulo kaleh Mas Joko?”

Sastro Kiyer     : “Loh, sing ngomong ora ngrestuni ki sopo? Aku kan mung ngomong abot arep ngrestuni, ora kok ora ngrestuni.”

Sri Dewi           : “Lha trus?”

Sastro Kiyer     : “Yo nek Joko iso oleh gaweyan sing luwih apik yo mengko tak pertimbangke.”

Sri Dewi           : “Ah bapak ki…” (pergi meninggalkan ruang tamu)

Sastro Kiyer     : “Woo la bocah dikandani kok. Bocah saiki ki sing digagas mung cinta, katresnan. Tek koyo Cinta kuwi iso marai wareg.”

Narasi:

Setelah mendengar pernyataan dari bapaknya Sri Dewi, Sastro Kiyer, Joko Kasep pun memutuskan untuk mencari pekerjaan yang lebih baik agar bias menjadi kaya dan bias memperistri Sri Dewi. Akankah Joko Kasep mampu mendapatkan pekerjaan yang lebih baik untuk kemudian diterima oleh Sastro Kiyer sebagai menantu? Kita saksikan kelanjutan ceritanya setelah yang lewat berikut ini.

== Babak VI ==

Setting:

Teras depan rumah.

Narasi:

Setelah 2 bulan berusaha mencari kerja yang lebih baik, Joko Kasep ternyata tidak mampu mendapatkan pekerjaaan yang lebih baik. Hubungannya dengan Sri Dewi pun mulai merenggang karena larangan Sastro Kiyer, bapak dari Sri Dewi.

Joko Kasep       : “Aduh nasib… nasib… seneng wong wedok pisan ae kok ra direstuni bapakke…”

(Kemudian terdengar lagu “Tragedi Tali Kotang” Joko Kasep dan Sri Dewi kemudian bernyanyi secara lipsing)

Joko Kasep       : “Ndek mbiyen wis tak tukokke wujud tali sak kotange… saikine lha kok ilang sak slirane… lungo menyang ngendi tanpo pamit ra ngabari… opo lali kowe karo aku iki… nadyan regane nem ewu kuwi wujud katresnanku… jare kowe melu aku lha kok mlayu… opo kurang larang pungkasane kowe ilang… nek ngendi nggonku nggoleki tali kotang..”

Sri Dewi           : “Niki mas taline tak kundurake… mergo bapak ra ngeparengake.. aku dijodohke malah karo priyo seje…. wis cukup mung semene wae… duh kangmas andung basuki… aku ora bakal lali… yen Gusti ngeparengake mesti bali..”

Joko Kasep       : “Tali kotang iki tak simpen tekane pati…  tali kotang saksi tresnaku kang suci..”

Sri Dewi           : “Mas Joko, aku jane tresno marang kowe Mas, nanging Bapak mboten setuju niku..”

Joko Kasep       : “Trus kowe arep dijodohke karo wong liyo?”

Sri Dewi           : “Ho’o Mas..”

Joko Kasep       : “Karo sopo?”

Sri Dewi           : “Karo anake koncone Bapak.”

Joko Kasep       : “Lha memang dadi opo bocahe kok bapakmu ngwenehi restu?”

Sri Dewi           : “Anu mas…. dadi PNS nek kabupaten Sragen.”

Joko Kasep       : “Lha kowe tresno karo deweke?”

Sri Dewi           : “Sakjane yo ora Mas..”

Joko Kasep       : “Yow is nek ngono mlayu wae karo aku yo?”

Sri Dewi           : “Maksud Mas Joko?”

Joko Kasep       : “Yo lungo soko ngomah, rabi karo aku.”

Sri Dewi           : “Ojo Mas, aku gak wani.”

Joko Kasep       : “Lha ngopo? Jare kowe tresno karo aku.”

Sri Dewi           : “Iyo aku tresno marang sampeyan mas, tapi aku gak wani nek ngono kuwi, aku gak wani ngloroni atine Bapak, aku wedi dadi anak durhaka.”

Joko Kasep       : “Lha trus Dik Sri arep nompo bocah lanang PNS kuwi?”

Sri Dewi           : “Lha piye maneh Mas… atiku jane yo loro, ning aku ra nduwe pilihan liyo Mas… wis Mas tak dungakne Mas Joko entuk pengganti sing luwih apik timbange awakku.” Wis Mas Joko… tak tinggal.” (meninggalkan Joko Kasep dengan berlinang air mata)

Joko Kasep       : “Loh Dik Sri… Dik… Dik Sri… ojo ninggalke aku Dik… aaaaahhhhhhhh… Mboke…….. Mbok…………!”

(Dengan tergopoh-gopoh masuklah Nyai Gayatri)

Nyai Gayatri    : “Ono opo to yo le… le… kok bengok-bengok koyo ono kobongan wae.”

Joko Kasep       : “Dik Sri Mbok… Dik Sri…”

Nyai Gayatri    : “Sri? Ono opo karo Sri?”

Joko Kasep       : “Dik Sri dikawinke karo wong liyo Mbok…”

Nyai Gayatri    : “Dadi ora karo kowe?”

Joko Kasep       : “Ora Mbok… dikawinke karo wong sing luwih sugh timbange aku, karo PNS mbok.”

Nyai Gayatri    : “Yow is to le.. le… nyat nasibmu… yo sing sabar… iki kehendake Gusti… ditrimo wae!”

Joko Kasep       : “Tapi aku tresno je karo Dik Sri.”

Nyai Gayatri    : “Yo bener kowe tresno lan seneng, tapi kowe kudu nyadari yen opo sing menurutmu kuwi apik ki durung mesti yo apik kanggone Gusti Allah.”

(mendengar Joko Kasep teriak-teriak, datanglah Bambang Gemblung, makelar jodoh yang mempertemukan Joko Kasep dengan Sri Dewi)

Bambang         : “Ono opo to Jok? Kok bengok-bengok nganti krungu tanggane.”

Nyai Gayatri    : “Iki… Sri Dewi, cah wadon sing mbok kenalke karo Joko kae, saiki arep dirabikke karo wong liyo.”

Bambang         : “Karo wong liyo? Kok iso?”

Nyai Gayatri    : “Yo tako’ono Joko iki!”

Bambang         : “Kok arep dirabikke karo wong liyo ki ngopo Jok?”

Joko Kasep       : “Yo goro-goro aku ki wong mlarat. Bapakewegah nek arep ngrabikke anake karo tukang angkat ember… njaluke karo PNS.”

Bambang         : “Dadi Sri Dewi arep dirabikkke karo PNS ki?”

Joko Kasep       : “Lha iyo..”

Bambang         : “Wah jaman saiki, wong sing disawang ki nyat mung bondho, wong luwih pengen sugih dunyo timbange sugih ati. Yow is nek ngono sesuk tak golekne wong liyo Jok.”

Joko Kasep       : “Maksudmu?”

Bambang         : “Yo tak golekne cah wadon liyo. Koyo ngene ki aku yo tangung jawab, gandeng cah wadon sing wingi tak pethokke karo kowe kok trus gagal alias ra berhasil yo sesuk tak golekne maneh nganti entuk bojo kowe.”

Nyai Gayatri    : “Lho rungokno Bambang kuwi, wis ra sah sedih tho!”

Bambang         : “Nyatai Jok, sesuktak golekne sing kiro-kiro bapake ki ra nyawang wong mung soko sugih bondo orane. Ning soko atine lan tindak-tanduke. Lhak iyo tho?”

Joko Kasep       : “Tenan lho Mbang?”

Bambang         : “Yo tenan no, kapan tho aku ngapusi. Wis ra sah nangis tho! Wong lanang kok cengeng. Saiki tak jak dolan seneng-seneng gelem pora?”

Joko Kasep       : “Dolan nyandi?”

Bambang         : “Nang Nogosari ndelok pasar malem. Gelem pora? Mumpung gek apikan lho aku iki.”

Nyai Gayatri    : “Wis le.. ra sah dipikir nemen-nemen… kono dolan karo Bambang kono!”

Joko Kasep       : “Yo wis ayo… sik yo Mbok.”

Nyai Gayatri    : “Ho’o le… mulihe ojo wengi-wengi…!”

(Joko Kasep dan Bambang Gemblung pun pergi meninggalkan rumah Nyai Gayatri)

Narasi:

Demikianlah cerita tentang Joko Kasep mencari cinta tapi ditolak karena harta. Semoga dapat menghibur hadirin semua dan semoga terdapat pelajaran yang dapat kita ambil dari cerita ini. Sekian, mohon maaf bila ada salah tutur kata baik dari saya atau para pemain. Terima kasih, sampai jumpa di lain kesempatan.

== TAMAT ==